Hər bir sahibkar marketinq xidmətinin mahiyyətini dərk etməli və bu xidmətdən istifadə etməlidir. Marketinq xidmətindən bəhrələnmək məqsədilə sahibkarlar birjalara və marketinq xidməti ilə məşğul olan firmalara müraciət edə bilərlər. Marketinq xidməti vasitəsilə bazar öyrənilir, təklif və tələbat dəqiqləşdirilir,bazarın mühiti və həcmi müəyyənləşdirilir. Bazarı ətraflı öyrənmədən bazara getmək məqsədə müvafiq deyildir.
İxrac əməliyyatı - malların, xidmət və kapitalın xarici bazarlarda satılması üçün xaricə aparılması deməkdir. İki növü olur: maddi nemətlərin daşınması və xidmətlərin ixracı; xarici partnyorlara haqqı ödənilməklə istehsal xarakterli və yaxud istehsal xarakterli və yaxud istehlak məqsədli xidmətlər göstərilməsi. Daha dəqiq desək, ixrac əməliyyatı - bağlanmış kontraktlar (müqavilələr) əsasında xarici bazara malın (əmtəənin) çıxarılması və ya xarici bazarda malın satışı deməkdir. Bazarın öyrənilməsi, marketinq xidməti və reklam işləri ixrac əməliyyatlarının atrebutlarıdır, onun tərkib hissələridir. İxrac əməliyyatı vaxtı sahibkar daxili və xarici bazarlarda malın topdan və pərakəndə məzənnə satış qiymətləri haqqında məlumatlara malik olmalıdır. Bu məlumatları bazarı öyrəndiyi zaman marketinq xidmətindən istifadə etməklə əldə edə bilər.
Bazar iqtisadiyyatı şəraitində ixrac əməliyyatının aparılmasının bir xüsusiyyətidə ondan ibarətdir ki, sahibkar, yeni satıcı alıcını özü tapır (dövlət sifarişi istisna olmaq şərtilə). Bu məsələdə marketinq xidməti sahibkarın köməyinə gəlir. İxrac əməliyyatı ilə məşğul olan sahibkar bu barədə müəyyən təcrübəyə və səriştəyə malik olmalıdır. Sahibkar bazarı duymalı və çevik olmalıdır. Bazarda qiymətlərin aşağı düşməsi və ya yuxarı qalxması prosesini izləməyi bacarmaıdır. İxrac əməliyyatları ilə məşğul olan sahibkarlar (kəndli-fermer təsərrüfatlarının rəhbərləri) bazarın ritminə uyğun olaraq düzgün qərar qəbul etmək qabiliyyətinə və səriştəsinə malik olmalıdır.
Birjalar.Dünyada taxıl birjası London şəhərində, Pambıq birjası Liverpul şəhərində, fındıq və digər ərzaq məhsulları birjası Hamburq şəhərində və s. şəhərlərdə fəaliyyət göstərir. Respublikamızda Respublika Xammal və Əmtəə Birjası, Taxıl Birjası, Fond Birjası və sair bairjalar fəaliyyət göstərirlər.
Birjalarda taxılın, pambığın, fındığın və digər məhsulların orta bazar qiymətləri müəyyənləşir. Bazar qiyməti - malın tələblə təklifin qarşılıqlı təsiri nəticəsində təşəkkül tapan qiyməti deməkdir. Kənd təsərrüfatı məhsullarının ixracı ilə məşğul olan sahibkarlar birjalardan müəyyən məlumatı almalıdırlar, yəni birjalarda satılmış və satılan kənd təsərrüfatı mallarının məzənnə satış qiymətləri, dünya bazar qiymətləri, təklif və tələbat, istehsal və digər xarakterli məlumatlar əldə edildikdən sonra tərəflər arasında alqı-satqı müqaviləsi bağlanmalıdır.